காரைக்குடியில் இரண்டு வீடுகள் இடிந்து சேதம்.

சிவகங்கை மாவட்டம் காரைக்குடியில் கடந்த மூன்று நாட்களுக்கு முன்பு இரண்டு மணி நேரத்திற்கு மேலாக கன மழை பெய்தது.
மேலும், நேற்றும், இன்றும் அவ்வப்பொழுது மழை பெய்து வருகிறது. இதனால் காரைக்குடி மற்றும் அதனைச் சுற்றியுள்ள கிராமங்கள்
பல்வேறு பாதிப்புகள் அடைந்து வருகிறது.
இன்று தொடர்ந்து லேசான மழை பெய்து வரும் நிலையில், காரைக்குடி 33 வது வார்டு பனந்தோப்பு பகுதியில் வசித்து வரும் ராமச்சந்திரன் என்பவரது வீடும், அண்ணாநகர் ஏழாவது வார்டு மாதவன் தெருவில் வசிக்கும் ஜெயமுருகன் என்பவரது ஓட்டு வீடும் இடிந்து சேதமானது. இரண்டு வீட்டிலிருந்தவர்களும் உரிய நேரத்தில் வெளியேறியதால் நல்வாய்பாக உயிர் சேதம் தவிர்க்கப்பட்டது.