காரைக்குடியில் மாரத்தான் போட்டி

இந்தியாவில் ஒவ்வொரு ஆண்டும் அக்டோபர் 21 ஆம் தேதி காவல்துறை தியாகிகள் தினம், கடைபிடிக்கப்படுகிறது. கடமையின் போது தங்கள் இன்னுயிர்களை தியாகம் செய்த துணிச்சலான காவலர்களை நினைவு கூர்வதற்கும் மரியாதை செய்யப்படும். அவர்களின் நினைவை போற்றும் விதமாக இன்று சிவகங்கை மாவட்டம் காரைக்குடி காவல் துறையினர் மற்றும் மாணவர் மாணவிகள் 500க்கும் மேற்பட்டவர்கள் கலந்து கொண்ட மாரத்தான் ஓட்ட பந்தயத்தை, ஆய்வாளர் ரவீந்திரன் தொடங்கி வைத்தார். இந்த பந்தயம் காரைக்குடி ஆரிய பவன் பகுதியில் இருந்து தொடங்கிய கல்லூரி சாலை வழியாக அழகப்பர் சிலை வரை மாரத்தான் ஓட்டம் நடைபெற்றது. இந்த மாரத்தான் போட்டியில் திருச்சி தஞ்சாவூர் புதுக்கோட்டை மதுரை ராமநாதபுரம் உள்ளிட்ட பல்வேறு மாவட்டங்களை சேர்ந்த வீரர் வீராங்கனைகள் பங்கேற்றனர். இந்த மாரத்தான் போட்டி ஏற்பாட்டினை காரைக்குடி காவல்துறையினர் செய்திருந்தனர்.