கொண்டலாம்பட்டி ரவுண்டானாவில் லாரி மோதி வாலிபர் சாவு
சேலம் சூரமங்கலம் பகுதி ஜாகீர் அம்மாபாளையம் ஜீவா நகரைச் சேர்ந்தவர் சிவசக்தி (வயது 36). உணவு டெலிவரி செய்யும் ஊழியராக வேலை பார்த்து வந்தார். நேற்று காலை தன்னுடைய மோட்டார் சைக்கிளில் உணவு டெலிவரி செய்யச் சென்ற போது கொண்டலாம்பட்டி ரவுண்டானா பகுதியில் லாரி ஒன்று சிவசக்தியின் மோட்டார் சைக்கிள் மீது மோதியது. இதில் சிவசக்தி உடல் நசுங்கி பரிதாபமாக இறந்தார். விபத்து குறித்த தகவலறிந்து வந்த கொண்டலாம்பட்டி போலீசார் சிவசக்தியின் உடலை மீட்டு பிரேத பரிசோதனைக்கு அரசு மருத்துவமனைக்கு அனுப்பி வைத்தனர். தொடர்ந்து வழக்குப்பதிவு செய்து விசாரணை நடத்தினர். இறந்த சிவசக்திக்கு திருமணம் ஆகி மனைவி உள்ளார்.
