ஆங்கில புத்தாண்டையொட்டி சின்னதிருப்பதி கோவிலில் சிறப்பு பூஜை

சேலம் சின்னதிருப்பதி வெங்கடேச பெருமாள் கோவிலில் ஆங்கில புத்தாண்டு பிறப்பையொட்டி நேற்று அதிகாலை சிறப்பு பூஜை நடைபெற்றது. இதையொட்டி சாமிக்கு பல்வேறு திரவியங்களால் சிறப்பு அபிஷேகமும், அலங்காரம் செய்யப்பட்டது. கோவிலுக்கு வந்திருந்த அனைவரையும் 8-வது வார்டு கவுன்சிலர் எம். மூர்த்தி வரவேற்றார். இந்த சிறப்பு பூஜையில், முன்னாள் அறங்காவலர் குழு தலைவர் அருணாசலம், ஓய்வு பெற்ற சப்-இன்ஸ்பெக்டர் ராஜாராம் நாயுடு, அஜய்குமார், கேபிள் மணி, மோகன், மதன், தனசேகர், சம்பத், வசந்தமணி, விமல்ராஜ், ராம்குமார் உள்பட பலர் கலந்து கொண்டனர். ஆங்கில புத்தாண்டையொட்டி கோவிலுக்கு வந்திருந்த பக்தர்கள் அனைவருக்கும் லட்டு மற்றும் பிரசாதம் வழங்கப்பட்டது.