சேலம்: விவசாய தோட்டத்தில் சிறுத்தை காலடி தடம்.. பொதுமக்கள் அச்சம்

சேலம் மாவட்டம், கெங்கவல்லி பகுதியில் கடந்த சில நாட்களாக பச்சமலை அடிவாரப் பகுதியில் சிறுத்தை உலா வருகிறது. இந்நிலையில் வனத்துறையினர் கண்காணிப்பு கேமரா வைத்து சிறுத்தை நடமாட்டத்தை கண்காணித்து வருகின்றனர். அதைத் தொடர்ந்து கெங்கவல்லி பேரூராட்சிக்குட்பட்ட 15வது வார்டு, கணேசபுரம் பகுதியில் விவசாய தோட்டத்திற்குள் சிறுத்தை குட்டியுடன் வந்துள்ளது. சிறுத்தை மற்றும் குட்டியின் காலடித்தடம் விவசாய தோட்டத்தில் பதிந்துள்ளது. மலைப்பகுதியில் இருந்த சிறுத்தை பேரூராட்சிக்குட்பட்ட மலையடிவார பகுதிக்கு வந்ததால் பொதுமக்கள் அச்சம் அடைந்துள்ளனர். ஆத்தூர் கோட்ட வனத்துறையினர் குழு அமைத்து சிறுத்தையை தேடும் பணியில் ஈடுப்பட்டு வருகின்றனர்.