ரயிலை கவிழ்க்க சதி - பரமக்குடி அருகே பரபரப்பு.!
ராமநாதபுரம் மாவட்டம் பரமக்குடி அருகே தெளிச்சாத்தநல்லுார் பகுதியில் தண்டவாளத்தில் இருந்து 420 கிளிப்புகள் கழற்றப்பட்டிருந்தது பரபரப்பை ஏற்படுத்தியுள்ளது. மதுரை -- ராமேஸ்வரம் ரயில்வே பாதை பலப்படுத்தப்பட்டு 110 கி. மீ. , வேகத்தில் ரயில்கள் சென்று வருகின்றன. நேற்று முன்தினம் (செப். 16) காலை 8: 10 மணிக்கு மதுரையிலிருந்து ராமநாதபுரம் நோக்கி பயணிகள் ரயில் வந்துள்ளது. சூடியூர் - பரமக்குடி இடையே தெளிச்சாத்தநல்லுார் பகுதியில் தண்டவாளத்தையும் ஸ்லீப்பர் காங்கிரீட்களையும் இணைக்கும் கிளிப்புகள் கழற்றி விடப்பட்டிருந்தது தெரிந்தது. அங்கு பணியில் இருந்த கீ மேன் செந்தில்குமார் (43), துரிதமாக செயல்பட்டு ராமநாதபுரம் ரயிலை எச்சரிக்கை செய்து நிறுத்தினார். சிறிது நேர தாமதத்திற்கு பின் 10 கி. மீ. , வேகத்தில் மெதுவாக ரயில் இயக்கப்பட்டு பரமக்குடியை வந்தடைந்தது.
