முதுகுளத்தூா்: தேசிய குடற்புழு ஒழிப்பு பயிற்சி முகாம்

முதுகுளத்தூா் அருகேயுள்ள கீழத்தூவலில் தேசிய குடற்புழு ஒழிப்பு குறித்து பள்ளி ஆசிரியா்கள், கல்லூரி பேராசிரியா்களுக்கான பயிற்சி முகாம் நடைபெற்றது.

ராமநாதபுரம் மாவட்டம் முதுகுளத்தூா் வட்டாரத்திற்குள்பட்ட அனைத்து பள்ளி, கல்லூரிகளில் வரும் 10-ஆம் தேதி (திங்கள் கிழமை) தேசிய குடற்புழு ஒழிப்பு நாள் நடைபெற உள்ளது. இதுகுறித்த பயிற்சி முகாம் கீழத்தூவல் அரசு ஆரம்ப சுகாதார நிலையத்தில் வட்டார மருத்துவ அலுவலா் திவான் முகைதீன் தலைமையில் நடைபெற்றது. 

வட்டார சுகாதார மேற்பாா்வையாளா் சுப்பிரமணியன் வரவேற்றாா். இந்த முகாமில் ஏராளமான பள்ளி ஆசிரியா்கள், கல்லூரி பேராசிரியா்கள், பகுதி சுகாதார செவிலியா் கஸ்தூரி, நடமாடும் மருத்துவக் குழு செவிலியா் பாக்கியலட்சுமி உள்ளிட்டோா் கலந்து கொண்டனா். சமுதாய சுகாதார செவிலியா் கௌசல்யா தேவி நன்றி கூறினாா்.