முதலமைச்சர் கோப்பை போட்டிகள்.. சுற்றுலாத்துறை அமைச்சர் துவக்கி வைத்தார்

மலை மாவட்டமான நீலகிரி மாவட்டத்தில் முதலமைச்சர் கோப்பைக்கான மாவட்ட அளவிலான விளையாட்டுப் போட்டிகளை நேற்று(செப்.10) உதகையில் தமிழ்நாடு சுற்றுலாத்துறை அமைச்சர் கா. ராமச்சந்திரன் துவக்கி வைத்தார்.

தமிழ்நாடு முழுவதும் முதலமைச்சர் கோப்பை போட்டிகள் துவங்கியுள்ளது. இதன் ஒரு கட்டமாக நீலகிரி மாவட்டம் உதகையில் உள்ள சிறப்பு மலைப்பகுதி மேம்பாட்டு திட்ட திறந்தவெளி மைதானத்தில் மாவட்ட அளவிலான விளையாட்டுப் போட்டிகள் துவங்கியது. இப்போட்டிகளை தமிழ்நாடு சுற்றுலாத்துறை அமைச்சர் கா. ராமச்சந்திரன் துவக்கி வைத்தார். இப்போட்டிகளில் மாவட்ட முழுவதிலும் இருந்து பள்ளி மற்றும் கல்லூரி மாணவ மாணவிகள் பங்கேற்றுள்ளனர்.