குன்னுாரில் குடிநீர் தட்டுப்பாடு

குன்னுார் நகராட்சிக்கு உட்பட்ட, 30 வார்டுகளுக்கு, ரேலியா அணையில் இருந்து எடுக்கப்படும் தண்ணீர், கிரேஸ் ஹில் நிலைய தொட்டிகளில், சுத்திகரிப்பு செய்து, மக்களுக்கு வினியோகம் செய்யப்படுகிறது. வெயிலின் தாக்கம் அதிகரித்த நிலையில் தற்போது இந்நிலையில், 43. 6 அடி உயரம் கொண்ட ரேலியா அணையில் தண்ணீர், 16 அடி அளவிற்கு மட்டுமே இருப்பு உள்ளது. இந்த நீரும் சேறும் சகதியும் நிரம்பி உள்ள தால், 6 அடி தண்ணீர் மட்டுமே பயன்படுத்த முடியும். தற்போதே பாலைவனம் போன்று மாறி அணை வறண்டு வருவதால் மே மாதம் அக்னி துவங்கினால் குடிநீர் தட்டுப்பாடு மேலும் அதிகரிக்கும்.