ஜேடர்பாளையம்: கபடி போட்டி: அரசுப் பள்ளி மாணவிகள் கௌரவிப்பு
ஜேடர்பாளையம் அரசு மேல்நிலைப் பள்ளி மாணவிகள், பயிற்சியாளர்களை ஜேடர்பாளையம் முத்தமிழ் மன்றம், ஊர் பொதுமக்கள் சார்பில் கௌரவிக்கப்பட்டனர். தமிழகத்தில் மாணவர்களிடையே விளையாட்டை ஊக்குவிக்கும் வகையில், ஆண்டுதோறும் தமிழக அளவில் முதலமைச்சர் கோப்பைக்கான விளையாட்டுப் போட்டிகள் நடைபெற்று வருகின்றன. மகளிருக்கான பொதுப்பிரிவு கபடி போட்டியில் நாமக்கல் மாவட்ட அணியில் ஜேடர்பாளையம் அரசு மேல்நிலைப் பள்ளியைச் சேர்ந்த 7 மாணவிகள், அப்பகுதியைச் சேர்ந்த அரசுப் பள்ளி மாணவிகள் மகளிருக்கான பொதுப் பிரிவு கபடி போட்டியில் பங்கேற்று சிறப்பாக விளையாடி மாநில அளவில் மூன்றாம் இடத்தைப் பிடித்தனர். அதற்காக தமிழக முதல்வரிடம் இருந்து ரூ. 3 லட்சம் ரொக்கப் பரிசும், சான்றிதழ்களையும் பெற்றனர்.
