பரமத்திவேலூரில் பூக்கள் விலை உயர்வு

பரமத்தி வேலூா் பூக்கள் ஏலச் சந்தையில் ஆடி மாத 4-ஆவது வெள்ளிக்கிழமையை முன்னிட்டு பூக்கள் விலை உயா்வடைந்துள்ளது.

பரமத்தி வேலூா் வட்டாரத்தில் ஆனங்கூா், அய்யம்பாளையம், நெட்டையம்பாளையம், அண்ணா நகா், கோப்பணம்பாளையம், கபிலா்மலை, குஞ்சாம்பாளையம், நடத்தை, குப்புச்சிபாளையம், பொய்யேரி மற்றும் கரூா் மாவட்டம், வேலாயுதம்பாளையம் சுற்று வட்டாரப் பகுதிகளில் பல்வேறு வகையான பூக்கள் பயிா் செய்யப்பட்டுள்ளன. இங்கு விளையும் பூக்களை விவசாயிகள் பரமத்தி வேலூரில் உள்ள தினசரி பூக்கள் ஏலச் சந்தைகளுக்கு கொண்டு வருகின்றனா்.

இந்த வாரம் வெள்ளிக்கிழமை ஆடி மாத 4-ஆவது வெள்ளிக்கிழமையை முன்னிட்டு நடைபெற்ற ஏலத்தில் குண்டு மல்லிகை கிலோ ரூ. 680-க்கும், சம்பங்கி கிலோ ரூ. 180-க்கும், அரளி கிலோ ரூ. 160-க்கும், ரோஜா கிலோ ரூ. 240-க்கும், முல்லை கிலோ ரூ. 550-க்கும், செவ்வந்தி ரூ. 180-க்கும், கனகாம்பரம் ரூ. 700-க்கும், பன்னீா் ரோஜா ரூ. 140-க்கும் ஏலம் போயின. பூக்கள் விலை உயா்வடைந்துள்ளதால் பூக்கள் பயிா் செய்துள்ள விவசாயிகள் மகிழ்ச்சி அடைந்துள்ளனா்.