தேய்பிறை அஷ்டமியை ஒட்டி சிறப்பு வழிபாடு

நாகப்பட்டினம் மாவட்டம் வேதாரண்யத்தில் அருள்மிகு வேதாரண்யேஸ்வரர் திருக்கோவிலில் தனி சன்னதியில் வீற்றிருக்கும் கால பைரவருக்கு தேய்பிறை அஷ்டமியை ஒட்டி சிறப்பு வழிபாடு இன்று(செப்.25) நடைபெற்றது. முன்னதாக பைரவருக்கு வாசனை திரவியங்கள், இளநீர், சந்தனம், பன்னீர், ஜவ்வாது உள்ளிட்ட வாசனை திரவியங்களால் அபிஷேகம் செய்யப்பட்டு வண்ண மலர்களால் அலங்காரம் செய்யப்பட்ட மகா தீபாரதனை காண்பிக்கப்பட்டது. இதில் சுற்றுவட்டார பகுதிகளை சேர்ந்த பக்தர்கள் பங்கேற்று பைரவருக்கு முந்திரி மாலை சாத்தி, நெய் தீபமிட்டு வழிபாடு மேற்கொண்டனர்.