திருமங்கலம்: ரஜினி ரசிகரின் அசத்தல் கொலு
மதுரை மாவட்டம் திருமங்கலத்தில் திருமண தகவல் மையம் நடத்தி வரும் ரஜினியின் தீவிர ரசிகரான கார்த்திக் (49) என்பவர் கடந்த சில ஆண்டுகளாக ரஜினியின் உருவத்தில் கருங்கல்லினாலான உருவச் சிலை அமைத்து, மற்றும் அவருக்கு இல்லத்தில் அதற்கான தனி அறை அமைத்து, ரஜினி கோவில் என்ற பெயரில், நாள்தோறும் ரஜினிக்கு பால், தயிர், தேன், இளநீர் உள்ளிட்ட 9 வகையான அபிஷேகங்கள் நடத்தி சிறப்பு பூஜை நடத்தி பூஜித்து வருகிறார். இந்நிலையில் தற்போது நவராத்திரி விழாவையொட்டி ரஜினியின் அபூர்வராகங்கள் முதல் வேட்டையன் வரை உள்ள ரஜினியின் உருவங்களை மரப்பலகையினாலும் களிமண்னால் கொலு பொம்மைகளாக வடிவமைத்து, பொதுமக்களின் பார்வைக்காக வைத்துள்ளார். மேலும், ரஜினியின் உடல் பூரண குணமடைய வேண்டியும் பிரார்த்தனை செய்து வருவதாகவும் கார்த்திக் தெரிவித்தார்.
