திருமங்கலம்: முன்னாள் சபாநாயகர் நினைவிடத்தில் அமைச்சர் அஞ்சலி
மதுரை மாவட்டத்தில் பல்வேறு நிகழ்வுகளில் கலந்துவதற்காக நேற்று (அக். 22) காலை சென்னையிலிருந்து விமானம் மூலம் மதுரை வந்த மக்கள் நல்வாழ்வுத்துறை அமைச்சர் சுப்பிரமணியம் அவர்கள் நேற்று இரவு திருமங்கலம் அருகே உள்ள மதுரை தெற்கு மாவட்ட திமுக செயலாளர் மணிமாறன் அவர்களின் தந்தையார் முன்னாள் சபாநாயகர் சேடப்பட்டி முத்தையா அவர்களின் நினைவிடத்திற்கு சென்று மாலை அணிவித்து மரியாதை செலுத்தினார். மணிமாறனின் தாயாரிடம் நலம் விசாரித்தார். உடன் மாவட்ட செயலாளர் மணிமாறன் மற்றும் திமுக முக்கிய நிர்வாகிகள் பலர் இருந்தனர்.
