தேன்கனிக்கோட்டை: கோழித் தீவன மூட்டை சரிந்து விழுந்து 2 குழந்தைகள் பலி

தேன்கனிக்கோட்டையை அடுத்த கோபச்சந்திரத்தைச் சேர்ந்த ரவிக்குமாரின் கோழிப் பண்ணையில் பீகார் மாநிலத்தைச் சேர்ந்த முகமது ஜகவுல்லா தனது குடும்பத்துடன் வேலை செய்து வருகிறார். இவர்களது குழந்தைகள் சார்பானு (4), ஆயுத் காதூன் (3) ஆகிய இருவரும் வெள்ளிக்கிழமை கோழிப் பண்ணையில் விளையாடிக் கொண்டிருந்த போது அங்கு அடுக்கிவைக்கப்பட்டிருந்த கோழித் தீவன மூட்டைகள் சரிந்து விழுந்ததில் இரு குழந்தைகளும் நிகழ்விடத்திலேயே உயிரிழந்தனர். இதுகுறித்து தளி போலீஸார் வழக்குப் பதிந்து விசாரணை நடத்தி வருகின்றனர்