நாகரசம்பட்டி அருகே வனப்பகுதியில் துப்பாக்கி பறிமுதல்.

கிருஷ்ணகிரி வனச்சரக அலுவலர் முனியப்பன் மற்றும் அலுவலர்கள் வனப்பகுதியை ஒட்டியுள்ள கிராமங்களில் 'ஒழிப்போம் நாட்டு துப்பாக்கிகளை, பாதுகாப்போம் யானைகளை' என்ற விழிப்புணர்வு நிகழ்ச்சியை நடத்தினர்.

இதை அடுத்து நாகரசம்பட்டி அருகேஉள்ள என். தட்டக்கல் வனப்பகுதியில் நாட்டுத்துப்பாக்கி ஒன்றை பொதுமக்களில் யாரோ ஒருவர் போட்டு விட்டு சென்றுள்ளார். இந்த நாட்டு துப்பாக்கியை வனத்துறையினர் மீட்டு நாகரசம்பட்டி போலீசில் ஒப்படைத்தனர்.