கிள்ளியூரில் காந்தி பிறந்தநாள் காமராஜர் நினைவு தினம்

கிள்ளியூர் கிழக்கு வட்டார காங்கிரஸ் கமிட்டி சார்பில் கருங்கல் ராஜீவ் காந்தி திருவுருவ சிலை முன்பு  மகாத்மா காந்தி 155 - வது பிறந்தநாள் மற்றும் பெருந்தலைவர் காமராஜர் 49 - வது நினைவு தின நிகழ்ச்சிகள் நடைபெற்றன. நிகழ்ச்சிக்கு தமிழ்நாடு சட்டமன்ற காங்கிரஸ் கட்சியின் தலைவரும் கிள்ளியூர் சட்டமன்ற உறுப்பினருமான ராஜேஷ் குமார்  தலைமை தாங்கி மகாத்மா காந்தி மற்றும் பெருந்தலைவர் காமராஜர் திருவுருவ படங்களுக்கு மாலை அணிவித்து மரியாதை செலுத்தினார்.

நிகழ்ச்சியில் குமரி மேற்கு மாவட்ட காங்கிரஸ் கமிட்டி தலைவர் பினுலால் சிங் சிறப்பு விருந்தினராக கலந்து கொண்டார். கருங்கல் பேரூராட்சி காங்கிரஸ் தலைவர் தலைவர் குமரேசன், மாநில நிர்வாகி ஆஸ்கர் பிரடி, தமிழ்நாடு மாநில மீனவர் காங்கிரஸ் தலைவர் ஜோர்தான், மாவட்ட, வட்டார நிர்வாகிகள் உள்ளாட்சி பிரதிநிதிகள் மற்றும் காங்கிரஸ் கட்சியினர், பொதுமக்கள் உட்பட பலர் கலந்து கொண்டனர்.