மூங்கில்துறைப்பட்டு: அரசு பள்ளி மாணவி சிலம்பத்தில் சாதனை
மூங்கில்துறைப்பட்டு அரசு மேல்நிலைப் பள்ளியில் ஒன்பதாம் வகுப்பு படிக்கும் மாணவி ஜனனி சிலம்பம் மற்றும் தற்காப்பு பயிற்சி பெற்று வந்தார். இவர் வீரம் விளையாட்டு அறக்கட்டளை சார்பில் நடத்தும் இலவச பயிற்சியில் கலந்து கொண்டு உலக அளவில் நடைபெற்ற சிலம்ப போட்டியில் முதலிடமும், மாநில அளவில் நடைபெற்ற சிலம்பம் மற்றும் தற்காப்பு பயிற்சியில் நான்கு முறை வெற்றி பெற்றும், மாவட்ட அளவில் நடைபெற்ற போட்டிகளில் 6 முறை வெற்றி பெற்றும் சாதனை படைத்துள்ளார். மாணவிக்கு அண்ணாமலை மற்றும் வின்சென்ட் ஆகியோர் பயிற்சி அளிக்கின்றனர். சாதனை மாணவி மற்றும் பயிற்சியாளர்களை பள்ளி ஆசிரியர்கள், பொதுமக்கள் பாராட்டினர்.
