அரசு பஸ் மோதி முதியவர் பலி

சின்னசேலம்: கீழ்க்குப்பம் அருகே அரசு பஸ் மோதி முதியவர் இறந்தார்.

சின்னசேலம் அடுத்த செம்பாகுறிச்சி கிராமத்தைச் சேர்ந்தவர் சோலைமுத்து மகன் செல்லமுத்து, 78; நீரழிவு நோயால் பாதித்த இவருக்கு கடந்த 6 மாதங்களுக்கு முன்பு வலது கணுக்கால் அகற்றப்பட்டது. நேற்று முன்தினம் இரவு செல்லமுத்து வி. கூட்ரோடு - சிதம்பரம் தேசிய நெடுஞ்சாலையோரம் 2 கைகளை ஊன்றியபடி சென்றார். டோல்கேட் அருகே சேலத்திலிருந்து சிதம்பரம் சென்ற அரசு பஸ் செல்லமுத்து மீது மோதியது. படுகாயமடைந்த அவர் சின்னசேலம் அரசு மருத்துவமனையில் சேர்க்கப்பட்டு அங்கு அவர் நேற்று காலை இறந்தார்.


கீழ்க்குப்பம் போலீசார் வழக்குப் பதிந்து விசாரித்து வருகின்றனர்.