ஈரோடு மாவட்ட அளவிலான மாரத்தான் போட்டி

ஈரோடு மாவட்ட கலெக்டர் அலுவலக வளாகத்தில், மாவட்ட எய்ட்ஸ் தடுப்பு மற்றும் கட்டுப்பாடு அலகின் சார்பில், கல்லூரி மாணவ, மாணவிகள் பங்கேற்ற, மாவட்ட அளவிலான மாரத்தான் போட்டியை, கலெக்டர் ராஜகோபால் சுன்கரா கொடியசைத்து தொடங்கி வைத்தார். மாவட்ட கலெக்டர் அலுவலக வளாகத்தில் தொடங்கிய போட்டியானது, திண்டல் அரசு மேல்நிலைப்பள்ளி வரை சென்றடைந்தது.

போட்டியில் 16க்கும் மேற்பட்ட கல்லூரிகளைச் சேர்ந்த 150க்கும் மேற்பட்ட மாணவ, மாணவிகள் பங்கேற்றனர்.
முன்னதாக, மாவட்ட கலெக்டர் ராஜகோபால் சுன்கரா, கலெக்டர் அலுவலக வளாகத்தில், மாவட்ட எய்ட்ஸ் தடுப்பு மற்றும் கட்டுப்பாடு அலகின் சார்பில், எய்ட்ஸ் தடுப்பு குறித்த விழிப்புணர்வு ஒட்டு வில்லைகளை வாகனங்களில் ஒட்டி விழிப்புணர்வு ஏற்படுத்தினார்.