அந்தியூர் சிறப்பு இலக்கு படை சார்பாக காவலர் வீர வணக்க நாள்

அந்தியூர் சிறப்பு இலக்கு படை சார்பாக நடைபெற்ற காவலர் வீர வணக்க நாள். முன்னாள் சிறப்பு‌ இலக்குபடை தலைவர் வால்ட்டர் தேவாரம் உள்ளிட்ட காவல்துறை அதிகாரிகள் அஞ்சலி செலுத்தினர்.
ஈரோடு மாவட்டம் அந்தியூர் அருகே உள்ள பர்கூர் மலைப்பகுதி தட்டகரையில் உள்ள சிறப்பு இலக்குப்படை முகாமில் காவலர் வீர வணக்க நாளை முன்னிட்டு அங்கு அமைக்கப்பட்டுள்ள காவலர் நினைவு சின்னம் முன்பு முன்னாள் சிறப்பு இலக்கு படைத்தலைவர் வால்டர்தேவாரம், தற்போதைய தமிழக சிறப்பு இலக்குபடையின் உதவி காவல் கண்காணிப்பாளர் பண்பாளன் உள்ளிட்ட சிறப்பு இலக்கு படை காவல் அதிகாரிகள் அஞ்சலி செலுத்தினர்,
மேலும் வீரப்பன் தேடுதல் வேட்டையில் ஈடுபட்டிருந்த சிறப்பு இலக்கு படையின் முன்னாள் காவல் காவல் கண்காணிப்பாளர்கள், துணை காவல் கண்காணிப்பாளர்கள், காவல் ஆய்வாளர்கள்‌ உள்ளிட்டோர் பங்கேற்று அஞ்சலி செலுத்தினர்,
தொடர்ந்து போலீசாரின் 21 குண்டுகள் முழங்க அரசு மரியாதையும் செய்யபட்டது,
இந்நிகழ்ச்சியில் மறைந்த காவலர்களின் குடும்பத்தினர் மற்றும் பொதுமக்கள் பங்கேற்று அஞ்சலி செலுத்தினர்.