வேடசந்தூர்: பெட்ரோல் பங்க்கின் மேல் கூரையில் தீ பொறி

வேடசந்தூர் வடமதுரை ரோட்டில் மகளிர் மேல்நிலை பள்ளி அருகே சலீம் என்பவருக்கு சொந்தமான பெட்ரோல் பங்க் உள்ளது. பெட்ரோல் பங்க்கின் மேல் கூரையில் புகை கிளம்பியதுடன் தீ பொறி பறந்து கீழே விழுந்தது. இதனால் பங்கில் வேலை பார்த்துக் கொண்டிருந்தவர்களும் பெட்ரோல் அடிக்க வந்தவர்களும் அதிர்ச்சி அடைந்து உடனடியாக வெளிப் பக்கமாக ஓடி வந்தனர். மின்வாரிய அதிகாரிகளுக்கு தகவல் தெரிவிக்கப்பட்டு வேடசந்தூர் நகர் பகுதி முழுவதும் மின்சாரம் உடனடியாக துண்டிக்கப்பட்டது. தீயணைப்பு படையினருக்கு தகவல் தெரிவிக்கப்பட்டு விரைந்து வந்த நிலைய அதிகாரி ஜேம்ஸ் அருள் பிரகாஷ் தலைமையிலான தீயணைப்பு படை வீரர்கள் தண்ணீரை பீச்சி அடித்து தீயை அணைத்தனர். மக்கள் நடமாட்டம் அதிகம் உள்ள பகுதியில் உள்ள பெட்ரோல் பங்கில் மின் கசிவால் தீப்பொறி கிளம்பிய சம்பவத்தால் ஏராளமானோர் கூடினர் இதனால் பெரும் பரபரப்பான சூழ்நிலை ஏற்பட்டது.