ஒட்டன்சத்திரம் அருகே கோழிப்பண்ணையில் தீ விபத்து

திண்டுக்கல் மாவட்டம் ஒட்டன்சத்திரம் அருகே உள்ள விருப்பாச்சியை சேர்ந்தவர் ஹர்ஷவரதன். இவர் சொந்தமாக கோழிப் பண்ணை வைத்து நடத்தி வருகிறார். இந்தப் பண்ணையில் சுமார் 2000 கோழிக் குஞ்சுகள் பராமரிக்கப்பட்டு வந்தது. இந்த நிலையில் நேற்று(செப்.19) கொட்டகையில் மின் கசிவு ஏற்பட்டு தீப்பிடித்து எரிந்தது.

இதில் அங்கு அமைக்கப்பட்டிருந்த கொட்டகையின் மேற்கூரை இடிந்து விழுந்தது. இதில் சிக்கியும், தீயில் கருகியும் சுமார் 1500 கோழிக் குஞ்சுகள் உயிரிழந்ததாக கூறப்படுகிறது. இந்த விபத்து குறித்து சத்திரப்பட்டி போலீசார் வழக்குப்பதிந்து விசாரித்து வருகின்றனர்.