நிலக்கோட்டையில் கஞ்சா விற்ற சிறுவன் உள்பட 2 பேர் கைது

நிலக்கோட்டை கொக்குப்பட்டி பிரிவு பகுதியில் 2 பேர் கஞ்சா விற்பதாக நிலக்கோட்டை போலீஸ் இன்ஸ்பெக்டர் ராஜேந்திரனுக்கு ரகசிய தகவல் கிடைத்தது. அதனைத் தொடர்ந்து இன்ஸ்பெக்டர் ராஜேந்திரன் உத்தரவுப்படி சப்-இன்ஸ்பெக்டர் முத்தையா தலைமையில் போலீசார் சம்பவ இடத்திற்கு விரைந்து சென்றனர்.

அப்போது அங்கு 17 வயது சிறுவன் மற்றும் கரியாம்பட்டியைச் சேர்ந்த ஜேம்ஸ் ரினோ (வயது 26) ஆகிய 2 பேரும் கஞ்சா விற்பனை செய்து கொண்டு இருந்தது தெரிய வந்தது. அவர்களிடம் இருந்த 100 கிராம் கஞ்சாவை போலீசார் கைப்பற்றி வழக்கு பதிவு செய்து 2 பேரையும் கைது செய்து விசாரணை மேற்கொண்டு வருகின்றனர்.