லாரியில் இருந்த பேட்டரிகளை திருடியவர் கைது

கோவை மாவட்டம் குனியமுத்தூர் பகுதியைச் சேர்ந்தவர் காளியப்பன் (40). இவர் கடந்த 10 வருடங்களாக லாரியில் குடிநீர் விநியோகம் செய்யும் தொழில் செய்து வருகிறார். சம்பவத்தன்று தண்ணீர் லாரியை தன்னுடைய ஆபீஸின் முன்பு நிறுத்திவிட்டு உறங்க சென்றதாக தெரிகிறது.

மறுநாள் காலை வந்து பார்க்கும்போது தண்ணீர் லாரியில் இருந்த இரண்டு பேட்டரிகளை யாரோ திருடி சென்று விட்டனர். இது குறித்து அவர் குனியமுத்தூர் காவல் நிலையத்தில் புகார் கொடுக்க, இது குறித்து விசாரணை மேற்கொண்ட காவல்துறையினர் பேட்டரிகளை திருடிய கதிரவன் (29) என்ற நபரை கைது செய்து அவரிடமிருந்து பத்தாயிரம் ரூபாய் மதிப்புள்ள இரண்டு பேட்டரிகளை பறிமுதல் செய்தனர்.