கோவை: மின்சாரம் தாக்கி எலக்ட்ரீசியன் பலி

கோவை கரும்புக்கடை ஆசாத் நகரை சேர்ந்தவர் அபுபக்கர்சித்திக் (வயது 23). எலக்ட்ரீசியன். இவர் நேற்று முன்தினம் (செப்.12) இடையர்பாளையம் சிவாஜி காலனியில் உள்ள ஒரு வீட்டில் வேலை பார்த்து கொண்டிருந்தார். அப்போது அவர் எதிர்பாராத விதமாக மின்சாரம் தாக்கி தூக்கி வீசப்பட்டார்.

அவரை மீட்ட சக ஊழியர்கள் அருகே உள்ள தனியார் மருத்துவமனையில் சேர்த்தனர். ஆனால் அங்கு அவரை பரிசோதித்த டாக்டர்கள் அவர் வரும் வழியிலேயே இறந்து விட்டதாக தெரிவித்தனர். இது குறித்து கவுண்டம்பாளையம் போலீசார் வழக்குப்பதிவு செய்து விசாரித்து வருகின்றனர்.