கோவையில் குறைந்தது ஆம்புலன்ஸ் சேவை நேரம்!

கோவை நகரில் போக்குவரத்து மேலாண்மையில் செய்யப்பட்ட மாற்றங்கள் காரணமாக ஆம்புலன்ஸ் சேவைகளின் சராசரி பதில் நேரம் 11. 57 நிமிடங்களிலிருந்து 7. 10 நிமிடங்களாக குறைந்துள்ளது. யு-டர்ன்கள் மற்றும் வட்ட சந்திப்புகள் போன்ற மாற்றங்களை நகர காவல்துறை அறிமுகப்படுத்தியதால் இந்த முன்னேற்றம் ஏற்பட்டுள்ளது என காவல்துறை அதிகாரிகள் தெரிவித்துள்ளனர்.
2023ஆம் ஆண்டில் அவிநாசி சாலையில் போக்குவரத்து சிக்னல்களுக்கு பதிலாக யு-டர்ன் முறை அறிமுகப்படுத்தப்பட்டதிலிருந்து, விபத்துக்களால் ஏற்படும் உயிரிழப்புகள் குறைந்துள்ளதாகவும் அதிகாரிகள் கூறியுள்ளனர். அவிநாசி சாலையில் உயர்மட்ட பாலம் மற்றும் உக்கடம் மேம்பாலம் போன்ற உள்கட்டமைப்பு பணிகள் நடைபெற்று வரும் நிலையிலும், யு-டர்ன்கள் மற்றும் வட்டச்சந்திப்புகள் ஆம்புலன்ஸ்களின் பதில் நேரத்தை குறைக்க உதவியுள்ளன.