திமுகவின் 22 வயது இளம் பெண் வேட்பாளர் வெற்றி சான்றிதழை பெற்றுக் கொண்டார்

கோடம்பாக்கம் 136வது வார்டில் திமுக சார்பில் போட்டியிட்ட 22 வயதே ஆன நிலவரசு துரைராஜ் வெற்றி பெற்றுள்ளார்.   இந்த வார்டில் பிரதான எதிர்க்கட்சியான அதிமுகவை விட விஜய் மக்கள் இயக்க வேட்பாளர் அதிமுகா வாக்குகளை பெற்றுள்ளார்.

நகர்ப்புற உள்ளாட்சித் தேர்தலில் சென்னை 136வது வட்டத்தில் திமுக சார்பில் போட்டியிட்ட நிலவரசு துரைராஜ் வெற்றிபெற்றுள்ளார்.

நகர்ப்புற உள்ளாட்சித் தேர்தல் வாக்குப்பதிவு கடந்த 19ம் தேதி நடைபெற்ற நிலையில், தேர்தலில் பதிவான வாக்குகள் இன்று எண்ணப்பட்டு வருகின்றன. இதில் பல இடங்களில் ஆளும் திமுக மற்றும் அதன் கூட்டணி கட்சிகள் வெற்றி பெற்றுள்ளன. 21 மாநகராட்சியையும் திமுக வசம் செல்லவுள்ளதையே வாக்கு எண்ணிக்கை முடிவுகள் காட்டுகின்றன.

சென்னையில் இந்த முறை உள்ளாட்சித் தேர்தலில் குறைந்த அளவே வாக்குகள் பதிவாகியிருந்த நிலையில், வாக்கு எண்ணிக்கையில்பல இடங்களில் திமுக வேட்பாளர்கள் வெற்றிபெற்று வருகின்றனர். அந்த வகையில், கோடம்பாக்கம் 136வது வார்டில் திமுக சார்பில் போட்டியிட்ட 22 வயதே ஆன நிலவரசு துரைராஜ் வெற்றி பெற்றுள்ளார்.