ஆசிய ஹாக்கி போட்டி.. அரையிறுதிக்கு முன்னேறிய இந்தியா

8வது ஆசிய சாம்பியன்ஸ் கோப்பை ஹாக்கி தொடர் சீனாவின் ஹூலுன்பியர் நகரில் நடந்து வருகிறது. இந்த தொடரில் நடப்பு சாம்பியன் இந்திய அணி, முதல் 3 ஆட்டங்களில் முறையே சீனா, ஜப்பான் மற்றும் மலேசியா அணிகளை வீழ்த்தி ஹாட்ரிக் வெற்றி பெற்று அசத்தியது. இதனையடுத்து இந்தியா தனது 4வது ஆட்டத்தில் இன்று தென் கொரியா அணியுடன் மோதியது. இதிலும் சிறப்பான ஆட்டத்தை வெளிப்படுத்திய இந்தியா 3-1 என்ற கோல் கணக்கில் தென்கொரியாவை வீழ்த்தி 4வது வெற்றியை பதிவு செய்தது.