முதலமைச்சருக்கு நன்றி தெரிவித்த அன்பில் மகேஷ்

திருவோணம் வட்டத்தை புதிதாக உருவாக்கிய முதலமைச்சருக்கு அமைச்சர் அன்பில் மகேஷ் பொய்யாமொழி நன்றி தெரிவித்துள்ளார். இது குறித்து தனது எக்ஸ் பதிவில், ஒரத்தநாடு, பட்டுக்கோட்டை ஆகிய வட்டங்களில் திருவோணத்தை ஒட்டியுள்ள 4 குறுவட்டங்கள், 45 வருவாய் கிராமங்களைச் சேர்ந்த பொதுமக்களின் 43 ஆண்டுகள் கோரிக்கையை முதலமைச்சர் நிறைவேற்றியுள்ளார். இந்த கனிவான நடவடிக்கைக்காக தஞ்சை மாவட்டப் பொறுப்பு அமைச்சர் என்கிற முறையிலும், அப்பகுதி மக்களின் சார்பிலும் முதலமைச்சருக்கு நன்றிகளை உரித்தாக்குகிறோம் என தெரிவித்துள்ளார்.