ఘనంగా ఎల్లమ్మ తల్లి, సంకు దేవత ఆలయ ప్రథమ వారోత్సవం

మెంటాడ మండలం జయతి పంచాయితీ పరిధి బిరసాడవలస గ్రామంలో వెలసిన శ్రీశ్రీశ్రీ ఎల్లమ్మ తల్లి, సంకు దేవత తల్లి ఆలయ ప్రథమ వార్షికోత్సవాన్ని వైభవంగా నిర్వహించారు. శుక్రవారం విగ్నేశ్వర పూజ, మండపారాధన, కుంకుమ పూజ, దుర్గా హోమం, పూర్ణాహుతి తదితర పూజా కార్యక్రమాలను వేద పండితులు భువన ప్రసాద్ శర్మ ఆధ్వర్యంలో శాస్త్రోక్తంగా జరిపించారు. భక్తులు అత్యంత భక్తిశ్రద్ధలతో పూజలు జరిపారు. మధ్యాహ్నం అన్నదాన కార్యక్రమం ఉంటుంది.