వేద గాయత్రీ దేవిగా దర్శనమిచ్చిన రాజరాజేశ్వరి దేవి

బొండపల్లి మండలం దేవపల్లి గ్రామంలో స్వయంభూగా వెలసిన రాజరాజేశ్వరి దేవి ఆలయంలో అమ్మవారు శుక్రవారం దసరా శరన్నవరాత్రి ఉత్సవాల్లో భాగంగా వేద గాయత్రీ దేవిగా భక్తుల పూజలు అందుకున్నారు. ఆలయ అర్చకులు దూసి శ్రీధర్ శర్మ అమ్మవారిని పంచముఖ గాయత్రీ దేవిగా అలంకరించి ప్రత్యేక పూజలు నిర్వహించారు. ఈ అలంకరణకు విజయనగరానికి చెందిన రాపాక విష్ణు పద్మావతి దంపతులు ఆర్థిక సహాయం అందజేశారు.