గంగాధరనెల్లూరు: రెండు ద్విచక్ర వాహనాలు ఢీకొని ఇద్దరికి గాయాలు

రెండు ద్విచక్ర వాహనాలు ఢీకొని ఇద్దరు యువకులు గాయపడిన ఘటన గంగాధర నెల్లూరు నియోజకవర్గం కలవకుంట వద్ద బుధవారం జరిగింది. స్థానికుల వివరాల మేరకు పెనుమూరు మండలం శాతంభకానికి చెందిన కిరణ్ (18) చిత్తూరు వైపు వస్తుండగా అన్సాపురం గ్రామానికి చెందిన వినాయక (28) ఎదురుగా వచ్చి ఢీకొనడంతో ఇద్దరికీ తీవ్ర గాయాలయ్యాయి. గాయపడిన వారిని జిల్లా ప్రభుత్వాసుపత్రికి తరలించారు. పూర్తి వివరాలు తెలియాల్సి ఉంది.