పలాస: రోడ్డు ప్రమాదం.. కారును ఢీకొన్న లారీ

పలాస మండలం నెమలి నారాయణపురం గ్రామ సమీప జాతీయ రహదారిపై బుధవారం రాత్రి రోడ్డు ప్రమాదం చోటుచేసుకుంది. రహదారిపై వెళ్తున్న లారీ, కారు ఢీకొన్నాయి. ఈ ప్రమాదంలో కారులో ఉన్న ప్రయాణికులు స్వల్ప గాయాలతో బయటపడడంతో అందరూ ఊపిరి పీల్చుకున్నారు. విషయం తెలుసుకున్న నేషనల్ హైవే సిబ్బంది, పోలీసులు ఘటన స్థలానికి చేరుకొని ట్రాఫిక్ ను క్రమబద్ధీకరిస్తూ వాహనాలను సురక్షిత ప్రాంతానికి తరలించారు.