ఉప సర్పంచులు, వార్డ్ మెంబర్లకు రేపటి నుండి శిక్షణ తరగతులు

నరసన్నపేట మండలంలోని ఉప సర్పంచులకు, వార్డు మెంబర్లకు ఈ నెల 7, 8 తేదీల్లో శిక్షణా తరగతులు నిర్వహించడం జరుగుతుందని ఎంపీడీవో బొడ్డేపల్లి మధుసూదనరావు తెలిపారు. ఆదివారం ఆయన ఒక ప్రకటన విడుదల చేస్తూ పంచాయతీ విధులు, బాధ్యతలు, గ్రామాభివృద్ధిపై వీరికి శిక్షణ ఇస్తామన్నారు. కార్యదర్శుల ద్వారా ఆయా సభ్యులకు సమాచారం అందించామన్నారు. ఈ కార్యక్రమాన్ని సద్వినియోగం చేసుకోవాలని కోరారు.