కురుపాం: పాఠశాలలను సందర్శించిన ఫస్ట్ క్లాస్ మెజిస్ట్రేట్

కురుపాం మండలంలో గల గిరిజన సంక్షేమ ఆశ్రమ ఉన్నత పాఠశాల, కేజీబీవీ తదితర పాఠశాలలను కురుపాం మండల ఫస్ట్ క్లాస్ మెజిస్ట్రేట్ సౌమ్య జోసెఫ్ సోమవారం సందర్శించారు. పాఠశాల పరిసరాలను, తరగతి గదులను పరిశీలించారు. విద్యార్థులకు అందించే భోజనంలో నాణ్యత ప్రమాణాలు పాటించాలని సూచించారు. వెనుకబడిన విద్యార్థుల పట్ల ఉపాధ్యాయులు ప్రత్యేక శ్రద్ధ వహించాలని తెలిపారు. కార్యక్రమంలో ఆయా పాఠశాలల సిబ్బంది పాల్గొన్నారు.