మంత్రాలయం: భక్తులతో కిటకిటలాడిన శ్రీమఠం
మంత్రాలయంలోని శ్రీరాఘవేంద్రస్వామి మఠం ఆదివారం భక్తులతో కిటకిటలాడింది. గ్రామ దేవత మంచాలమ్మ, శ్రీరాఘవేంద్రస్వామి మూల బృందావనానికి ప్రత్యేక పూజలు నిర్వహించి, మొక్కులు తీర్చుకున్నారు. శ్రీమఠం పీఠాధిపతి శ్రీసుబుధేంద్రతీర్థుల ఆధ్వర్యంలో ప్రత్యేక పూజలు చేపట్టారు. ఉత్సవమూర్తి ప్రహ్లాదరాయులను గజ, చెక్క, వెండి, బంగారు, నవరత్న రథాలపై కొలువుంచి శ్రీమఠం ప్రాకారంలో అశేషభక్త జన వాహిని మధ్య ఊరేగించారు.
