తిరువూరు: చింతలపాడులో పొలంబడి కార్యక్రమం

తిరువూరు మండలం చింతలపాడు గ్రామంలో బుధవారం పొలంబడి కార్యక్రమాన్ని నిర్వహించారు. ఈ సందర్భంగా పంటలలో మిత్ర పురుగుల గుర్తింపు, మిత్ర పురుగుల వలన ఉపయోగాలు, ఎర పంటలు, కంచె పంటల ప్రాముఖ్యత గురించి జిల్లా వనరుల కేంద్రం డిప్యూటీ డైరెక్టర్ టి. మాధవిలత రైతులకు వివరించారు. కాంప్లెక్స్ ఎరువుల వాడకం తగ్గించి సూటి ఎరువుల వాడకంతో పాటు సూక్ష్మ పోషకాలను ఉపయోగించడం వలన పంటలకు సమతుల ఎరువులు అందించవచ్చునని తెలిపారు.