తిరుమలలో గుండెపోటుతో భక్తురాలు మృతి

తిరుమలలో గుండెపోటుతో భక్తురాలు మృతి చెందింది. శనివారం తెల్లవారుజామున 3.30 గంటల సమయంలో వైకుంఠం క్యూ కాంప్లెక్స్-2లో ఈ ఘటన జరిగింది. సర్వదర్శనం క్యూలైన్‌లో వెళ్తుండగా మహిళ ఒక్కసారిగా కుప్పకూలింది. ఆమెకు సీపీఆర్ చేసి ఆస్పత్రికి తరలించే క్రమంలో మహిళ ప్రాణాలు కోల్పోయింది. మృతురాలు లండన్‌లో స్థిరపడిన కడప జిల్లా వాసి ఝాన్సీ(32)గా గుర్తించారు. రుయా ఆస్పత్రికి మృతదేహాన్ని తరలించారు.