ప్రధాన రహదారిపై స్తంభించిపోయిన వాహనాలు

చింతగట్టు క్యాంప్ సమీపంలోని కెనాల్ వద్ద ఉన్న కేఎల్ఎన్ ఫంక్షన్ హాల్ ముందు వరంగల్ కరీంనగర్ ప్రధాన రహదారిపై ముందు వెళ్తున్న కారును వెనక వచ్చే కారు ఢీకొట్టడంతో ఇరు కార్ల వారి మధ్య ఘర్షణ జరిగింది. రోడ్డు పైనే కార్లు నిలిపివేసి వాగ్వాదానికి దిగడంతో కేఎల్ఎన్ ఫంక్షన్ హాల్ నుండి పరకాల క్రాస్ రోడ్డు వరకు వాహనాలు నిలిచిపోయాయి. దీంతో వాహనదారులు తీవ్ర ఇబ్బంది పడ్డారు. వారి ఇద్దరి గొడవ వల్ల సాధారణ ప్రజలు వాహనదారులు తీవ్ర ఇబ్బందికి గురవుతున్నామని తెలిపారు. వారి మధ్య వాగ్వాదం 25 నిమిషాలు అయినా సర్ధుమనగక పోవడంతో వేరే వాహనాల వాళ్ళు వచ్చి నచ్చజెప్పినా వారు వినకపోవడంతో వాహన దారులు ఆగ్రహానికి లోనయ్యారు. దీంతో అక్కడ భారీగా ట్రాఫిక్ నిలిచిపోయింది.