ఉస్మానియాలో ఎంపీ కవిత జన్మదిన వేడుకలు

జనవరి 1న మహబూబాబాద్ ఎంపీ మాలోత్ కవిత జన్మదినోత్సవాన్ని పురస్కరించుకుని సోమవారం ఉదయం ఆమె పుట్టినరోజు వేడుకలను తెలంగాణ ఉద్యమాల పురిటిగడ్డ, ఉద్యమాలకు నిలయం అయిన ఉస్మానియా యూనివర్సిటీ ఆర్ట్స్ కాలేజ్ ముందు రాష్ట్ర గిరిజన విద్యార్ది సంఘం-ఓయూ జెఎసి అధ్యక్షులు లింగా నాయక్ అధ్వర్యంలో ఘనంగా జరిగాయి. ఈ వేడుకలో కేక్ కట్ చేసి, ఎంపీ కవిత పుట్టిన రోజు సందర్భంగా గ్రీన్ ఇండియా ఛాలెంజ్ లో బాగంగా మొక్కను నాటడం జరిగింది. ఈ కార్యక్రమంలో లింగా నాయక్ మాట్లాడుతూ నిరంతర శ్రమ జీవి, అనునిత్యం మహబూబాబాద్ ప్రజల అభివృద్ది కొరకు పరితపించే నాయకురాలు, ఎల్లప్పుడూ సుఖ సంతోషాలతో ఆయురారోగ్యాలతో ఉండాలని ఆకాంక్షించారు. ఈ కార్యక్రమంలో గిరిజన సంఘం-ఓయు జెఏసి నాయకులు తేజా చక్రవర్తి నాయక్, ప్రేమ్ కుమార్, శ్రీను నాయక్, నవీన్, రమేష్, చందు నాయక్, అంగోత్ రవి, మోహన్, బాలాజీ, నరేశ్, భాలు, తదతరులు పాల్గొన్నారు.