కొడంగల్: పులి సంచారం.. అప్రమత్తంగా ఉండండి

వికారాబాద్ జిల్లా కొడంగల్ మండలం పోచమ్మకుంట తాండలో చిరుత పులి సంచరిస్తుందని సమాచారం ఇవ్వడంతో ఎమ్మార్వో విజయ్ కుమార్, అటవీ శాఖ సిబ్బంది పాదముద్రలను పరిశీలించారు. స్థానికులకు అప్రమత్తంగా ఉండాలని సూచించారు. పొలాలకు ఒంటరిగా కాకుండా గుంపుగా వెళ్లాలని చెప్పారు. చీకటి పడకుండా ముందే ఇంటికి చేరుకోవాలని హెచ్చరించారు. పాదముద్రల నిర్ధారణ కోసం ఫోరెన్సిక్ ల్యాబ్ కు పంపించడం జరుగుతుందని వారు తెలిపారు.