పరిగి: ఎమ్మెల్యే నివాసంలో బతుకమ్మ సంబరాలు

పరిగి ఎమ్మెల్యే, డీసీసీ అధ్యక్షుడు డాక్టర్‌ టి. రామ్మోహన్‌రెడ్డి నివాసంలో ఆదివారం బతుకమ్మ సంబురాలు ఘనంగా జరుపుకున్నారు. వివిధ రకాల పూలతో బతుకమ్మలను పేర్చి మహిళలు ఆట, పాటలతో నృత్యాలు చేశారు. పట్టణంలో ఊరేగింపు నిర్వహించారు. అనంతరం శివారులోని వాగులో నిమజ్జనం చేశారు. ఈ కార్యక్రమంలో మాజీ ఎంపిపిలు సత్యహరిశ్చంద్ర, శాంతిబాయి, మహిళ కాంగ్రెస్‌ కార్యకర్తలు పాల్గొన్నారు.