నాసిక్‌లో ఇద్దరు ‘హైదరాబాద్‌’ అగ్నివీరులు మృతి

పేలుడు ఘటనలో ఇద్దరు అగ్నివీరులు ప్రాణాలు కోల్పోయారు. మహారాష్ట్ర నాసిక్‌ లోని ఆర్టిలరీ కేంద్రంలో గురువారం మధ్యాహ్నం ఇండియన్‌ ఫీల్డ్‌ గన్‌తో కొంతమంది అగ్నివీరుల బృందం ఫైరింగ్‌ సాధన చేసింది. ఆ సమయంలో ఒక షెల్‌ పేలిపోయింది. దీంతో హైదరాబాద్‌ ఆర్టిలరీ కేంద్రానికి చెందిన అగ్నివీరులు గోహిల్‌ విశ్వరాజ్‌సింగ్‌ (20), సైఫత్‌(21) గాయపడ్డారు. ఆసుపత్రికి తరలించగా చికిత్స పొందుతూ ప్రాణాలు కోల్పోయారని అధికారులు శుక్రవారం తెలిపారు.