ఉగ్రవాదుల కాల్పులు.. ముగ్గురు వలస కార్మికులు మృతి

జమ్మూకశ్మీర్‌లో ఉగ్రవాదులు జరిపిన కాల్పుల్లో ముగ్గురు వలస కార్మికులు మరణించారు. ఆదివారం గందర్‌బల్‌ జిల్లాలోని సోన్‌మార్గ్‌ ప్రాంతంలోని టన్నెల్‌ నిర్మాణ ప్రదేశంలో ఉగ్రవాదులు కాల్పులు జరిపారు. ఈ కాల్పుల్లో ఇద్దరు వలస కార్మికులు అక్కడికక్కడే మృతి చెందగా, ఒకరు ఆస్పత్రిలో చికిత్స పొందుతూ మృతి చెందినట్లు పోలీసులు నిర్ధారించారు. మరో ఐదుగురు గాయపడినట్లు సమాచారం. ఈ మేరకు భద్రతా బలగాలు ఘటనాస్థలికి చేరుకుని ఆ ప్రాంతాన్ని చుట్టుముట్టాయి.