దామరచర్ల: మూడు రోజులపాటు రైల్వే గేట్ మూసివేత

నల్గొండ జిల్లా దామరచర్ల సమీపంలోని రైల్వే గేటు మూడు రోజులపాటు మూసివేస్తున్నట్లు రైల్వే అధికారులు గురువారం ఒక ప్రకటనలో తెలిపారు. విష్ణుపురం నుండి కొండ్రపోల్ రైల్వే స్టేషన్ ల మధ్య లెవెల్ క్రాసింగ్ మరమ్మతుల కారణంగా దామరచర్ల సమీపంలో ఉన్న రైల్వే గేట్ నేటి నుండి మూడు రోజులపాటు మూసి వేస్తున్నట్లు ప్రకటనలో పేర్కొన్నారు. కాగా ఈ మార్గం ద్వారా తాళ్ళ వీరప్పగూడెం, పవర్ ప్లాంట్, వీర్లపాలెంలకు వెళ్లే వారు వాడపల్లి వద్ద గల ఆర్టీఏ చెక్ పోస్ట్ వయా ఇర్కిగూడెం మీదుగా వెళ్లాల్సి ఉంటుంది.