రామాయంపేట: అక్కన్నపేట రైల్వే గేట్ వద్ద విద్యార్థుల రాస్తారోకో

మెదక్ జిల్లా రామాయంపేట మండలం అక్కన్నపేట వద్ద విద్యార్థులు శుక్రవారం రాస్తారోకో నిర్వహించారు. పాఠశాల, కళాశాలల సమయానికి ఆర్టీసీ బస్సులు నడపడం లేదంటూ ఖాజాపూర్, సంకాపూర్, ఝాన్సీ లింగాపూర్ గ్రామాలకు చెందిన విద్యార్థులు అక్కన్నపేట రైల్వే గేట్ వద్ద రోడ్డుపై బైఠాయించి నినాదాలు చేశారు. అధికారులు వెంటనే స్పందించి తమకు బస్సులు ఏర్పాటు చేయాలని విద్యార్థులు డిమాండ్ చేశారు.