కత్తితో తిరుగుతున్న యువకుడు అరెస్ట్
కత్తితో సంచరిస్తున్న యువకుడికి న్యాయస్థానం జైలు శిక్ష విధించింది. మల్లేపల్లిలోని అఫ్టల్సాగర్ ప్రాంతానికి చెందిన ఓ యువకుడు బుధవారం రాత్రి మంగరు బస్తీలో అనుమానాస్పదంగా తిరుగుతుండగా పెట్రోలింగ్ పోలీసులు తనిఖీ చేశారు. జేబులో కత్తి కనిపించడంతో అతడిని అరెస్టు చేసి గురువారం నాంపల్లిలోని 2వ ప్రత్యేక మెజిస్ట్రేట్ కోర్టులో హాజరుపర్చగా నిందితుడికి ఏడు రోజుల జైలు విధించింది.
