రెబ్బెన: రోడ్డు ప్రమాదంలో ఒకరి మృతి

రెబ్బెన మండలం ఇందిరానగర్ సమీపంలో బ్రిడ్జి వద్ద శనివారం జరిగిన రోడ్డు ప్రమాదంలో దుర్గం బాపు (57) మృతి చెందినట్లు ఎస్సై చంద్రశేఖర్ తెలిపారు. గోలేటి గ్రామానికి చెందిన బాపు గోలేటి సి హెచ్ పీ లో మజ్ధూరుగా విధులు నిర్వహిస్తున్నాడు. బైక్ పై వెళ్తుండగా అదుపుతప్పి కింద పడగా తలకు బలమైన గాయాలయ్యాయి. బెల్లంపల్లి దవాఖానకు అక్కడి నుంచి కరీంనగర్ వరకు తరలిస్తుండగా మార్గమధ్యంలో మృతి చెందినట్లు ఎస్సై తెలిపారు.