విద్యార్థుల మానవత్వం.. వానరానికి చికిత్స

ప్రభుత్వ పాఠశాల విద్యార్థులు మానవత్వం చాటుకున్న ఘటన మహబూబ్ నగర్ జిల్లాలో గురువారం చోటుచేసుకుంది. కోస్గి మండలం సర్జఖాన్పేట జిల్లా పరిషత్ ఉన్నత పాఠశాల ఆవరణలో గాయంతో వచ్చిన కోతి పిల్లకి పాఠశాల విద్యార్థులు ఇమ్రాన్, రవితేజ, నర్సింలు సపర్యలు చేశారు. హెచ్ఎం కృష్ణ గౌడ్ ఆదేశాలతో పాలు తీసుకొచ్చి సిరంజ్ ద్వారా పాలు తాగించి ప్రాణాలు కాపాడారు. దీంతో ఉపాధ్యాయుల బృందం, స్థానికులు విద్యార్థులను అభినందించారు.